home
home home

Заманауи қасапхана

Заманауи қасапхана

Екі жылға жуық уақыт Қордай ауылында табысты жұмыс істеп жатқан «Первомайские деликатесы» жауапкершілігі шектеулі серіктестігіне қарасты қасапхананың әлеуеті жылдан жылға артып келеді. Толықтай заманауи және озық технологиялармен жабдықталған мал сою алаңында ірі қара мен ұсақ мал сою жұмыстары күнделікті жүргізілуде. Бұл жерде сойылған мал толық циклді бастапқы өңдеуден өтіп, тұтынушыға жөнелтіледі. Айта кетерлігі, заманауи технологиялардың арқасында қалдықсыз өндіріс әдісі қолға алынған. Яғни, сойылған түліктің әр бөлшегі қажетке жаратылады. Ал, бұл іске қойылған талаптар өте қатаң. Қасапхана ішіндегі мінсіз тазалықтан бастап, малды бауыздау, оны бөлшектеу сынды жұмыстар халықаралық стандарттарға сай жүргізілуде. Сонымен қатар, ислам қағидаттары да сақталады, яғни бұл жерден шыққан ет «халал» стандартына сай келеді.

Негізінен Қазақстан бойынша өткізілетін ет, жақында шетелдерге де экспорттала бастады. Серіктестік ет экспорттаушы компаниялармен келісімшартқа отырып, мал еті Бахрейн, Біріккен Араб Әмірліктері сынды Азия елдеріне жіберіледі.


© 2017 Аппарат акима Кордайского района
+7 (7262) 00 00 00 Обратная связь
Разработка и поддержка сайта