home
home home

Аудан әкімі Болатбек Байтөленің аудан тұрғындарын 1 мамыр – Қазақстан халқының бірлігі күнімен құттықтауы

Аудан әкімі Болатбек Байтөленің аудан тұрғындарын 1 мамыр – Қазақстан халқының бірлігі күнімен құттықтауы

 

 

Құрметті жерлестер! Қадірменді көпшілік!

 

Баршаңызды 1 мамыр – Қазақстан халқының бірлігі күнімен шын жүректен құттықтаймын.

Бұл мереке елімізде берекелі өмір сүріп  жатқан, бірлігі мен ынтымағы жарасқан түрлі ұлт өкілдерінің мерейлі мерекесі.

Ұлтаралық татулық пен ауызбіршіліктің арқасында еліміз қиын кезеңдерді артқа тастап, жаңғырудың жаңа белесіне көтеріліп, тәуелсіздігін нығайтты.

Осындай көпұлтты мемлекетіміздің қол жеткізген жетістіктері, ең алдымен, Елбасы Нұрсұлтан Әбішұлы Назарбаевтың оңды саясатының арқасында, сонымен қатар,  халықтар арасындағы тұрақтылық пен бейбітшіліктің жемісі екені баршаға аян.

Жас тәуелсіз еліміз  үшін биылғы  жыл да өсіп-өркендеу, саяси өрлеу жолындағы елеулі оқиғалармен басталды. Оның бастысы – Елбасы Н.Ә.Назарбаевтың Қазақстан халқына Жолдаған «Төртінші өнеркәсіптік революция жағдайындағы дамудың жаңа мүмкіндіктері» атты кезекті Жолдауы мен қарапайым халыққа деген зор қамқорлықты міндеттеген Президенттің 5 әлеуметтік бастамасы болды. Бүгінде аталған екі құжат Қазақстанда тұратын барша ұлт өкілдері арасында үлкен қолдауға ие болып отыр.

Ұлтаралық татулығымыздың дамуына өзіндік үлесін қосып, сол бірліктің ұйытқысы болып отырған Қазақстан халқы Ассамблеясы көп елге үлгі болып келеді. Елбасы Н.Назарбаев төрағалық ететін ынтымақ пен тұрақтылықтың берекелі бастауы бола білген                                 бұл қоғамдық ұйым ешбір елде болмаған ерекше, саяси маңызы зор құрылым болды.

Баршаңызға белгілі 27 сәуір күні Астана қаласында Қазақстан халқы Ассамблеясының кезекті XXVІ сессиясы өтіп, онда Елбасы Н.Ә.Назарбаев Қазақстан қоғамының даму кезеңдеріне қатысты ойын ортаға салды. Аталған сессияға біздің ауданнан да өкіл қатысып қайтты.

Ынтымағы мен бірлігі жарасқан ауданымызда 30-дан астам түрлі этнос өкілдері бір кісідей жұмылып еңбек етуде. Нақты айтсақ, бүгінде Қордай халқының 48 пайызын өзге ұлт өкілдері құрайды. Осылайша, ауданымызда Елбасының ұлтаралық тұрақтылық жөніндегі саясаты өз нәтижесін беріп қана қоймай, ауданымыз бүгінде барлық сала бойынша облыс көлемінде алдыңғы қатардан көрінуде. Бұл біздің халқымыздың достығын, елдігін, ынтымағын білдіреді. Алдағы уақытта да ауданымыздың әрбір тұрғынының еселі еңбегі экономиканы жаңғыртуды жүзеге асырудың негізі болары сөзсіз.


© 2017 Аппарат акима Кордайского района
+7 (7262) 00 00 00 Обратная связь
Разработка и поддержка сайта