home
home home

Қордай ауданында бейбіт жиналыстарды ұйымдастыру және өткізу

 

ЖОБА

 

 

 

Шешім

Қордай ауданы мәслихатының алтыншы шақырылымының

(кезектен тыс алпыс сегізінші сессия)

 

Қордай ауылы                                      №68-2                            23 маусым 2020 жыл

 

 

 

Қордай ауданында бейбіт жиналыстарды ұйымдастыру және өткізуге арналған арнайы орындар, арнайы орындарды пайдалану тәртібі, олардың шекті толу нормалары, сондай-ақ материалдық-техникалық және ұйымдастырушылық қамтамасыз етуге қойылатын талаптарды айқындау туралы
 

 

 

Қазақстан Республикасында бейбіт жиналыстарды ұйымдастыру және өткізу тәртібі туралы Қазақстан Республикасының 2020 жылғы 25 мамырдағы Заңының 8 бабына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңына сәйкес Қордай аудандық мәслихаты ШЕШІМ ҚАБЫЛДАДЫ:
          1. Осы шешімінің қосымшаларына сәйкес Қордай  ауданында бейбіт жиналыстарды ұйымдастыру және өткізуге арналған арнайы орындар, арнайы орындарды пайдалану тәртібі, олардың шекті толу нормалары, сондай-ақ материалдық-техникалық және ұйымдастырушылық қамтамасыз етуге қойылатын талаптар айқындалсын.

  1. 2016 жылғы 17 ақпандағы «Қордай ауданы бойынша жиналыстар, митингілер, шерулер, пикеттер мен демонстрациялар өткізу тәртібін қосымша реттеу туралы» Жамбыл облысы Қордай аудандық мәслихатының (Нормативтік құқықтық актілерінің мемлекеттік тіркеу тізілімінде №2992 болып тіркелген, 2016 жылғы 19 наурызда аудандық «Қордай шамшырағы» – «Кордайский маяк» газетінде № 43-44 (2385-2386) жарияланған) № 51-4 шешімінің күші жойылды деп танылсын.
  2. Осы шешімнің орындалуын бақылау аудандық мәслихаттың әлеуметтік-қоғамдық даму, үкіметтік емес ұйымдар мен қоғамдық бірлестіктер, қоғамдық құқықтық тәртіпті қамтамасыз ету, экология, табиғатты пайдалану және әкімшілік-аумақтық құрам мәселелері, жер учаскесін сатып алу туралы келісім-шарт жобаларын қарау, өнеркәсіп, энергетика, құрылыс, ауыл шаруашылығы салалары мәселелері жөніндегі тұрақты комиссиясына жүктелсін.
  3. Осы шешім әділет органдарында мемлекеттік тіркелген күннен бастап күшіне енеді және алғашқы ресми жарияланған күннен кейін он күнтізбелік күн өткен соң қолданысқа енгізіледі.

 

      Аудандық маслихат Аудандық
      сессиясының төрағасы мәслихаттың хатшысы
      Н. Садыков Р.Нұрсипатов

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

  Қордай аудандық мәслихатының
2020 жылғы «23» мауысымдағы

№68-2 шешіміне 1 қосымша

 

 

 

Қордай ауданында бейбіт жиналыстарды ұйымдастыру және өткізуге арналған  арнайы орындар, арнайы орындарды пайдалану тәртібі, олардың шекті толу нормалары, сондай-ақ материалдық-техникалық және ұйымдастырушылық қамтамасыз етуге қойылатын талаптар

 

  1. Қордай ауданында бейбіт жиналыстарды ұйымдастыру және өткізуге арналған  арнайы айқындалған орындар:

1) жиналыс пен митинг өткізу үшін:

Қордай ауданы, Қордай ауылы, Центральная көшесі №19А үй, Мәдениет үйі алдындағы алаң.

2) Қордай ауданында шерулер мен демонстрациялар өткізу маршруты болып Қордай ауданы, Қордай ауылындағы Домалақ ана көшесінен бастап Бәйдібек көшесіне дейінгі Төле би көшесі белгіленсін.

  1. Қордай ауданында бейбіт жиналыстарды ұйымдастыру және өткізу үшін арнайы орындарды пайдалану тәртібі:

1) аудан әкімдігі бейбіт жиналысты ұйымдастыру және өткізу кезінде бейбіт жиналысты ұйымдастыру және өткізуге жұмылдырылған ұйымдардың қызметін үйлестіру үшін тұрақты түрде жұмыс істейтін жедел штаб құрады.

Жедел штабтың құрамына жергілікті полиция қызметі, азаматтық қорғау органдары өкілдері, бейбіт жиналысты ұйымдастырушы (бұдан әрі – ұйымдастырушы) кіреді. Жедел штабты аудан әкімдігінің уәкілетті өкілі басқарады;

2) ұйымдастырушы бейбіт жиналысты ұйымдастыру және өткізу тәртібін регламенттейтін қатысушылардың жүріс-тұрыс қағидаларын азаматтар үшін жалпыға қолжетімді жерге орналастырады, қоғамдық тәртіпті сақтауды, қатысушылардың қауіпсіздігін, өрт және санитарлық-эпидемиологиялық қауіпсіздігін, жазатайым оқиғалар кезінде алғашқы медициналық көмек көрсетуді қамтамасыз ететін шараларды және төтенше жағдайлар туындаған кезде эвакуациялау тәртібін көздейді;

3) ұйымдастырушы жергілікті полиция қызметімен бірлесіп, жедел штабты басқару пунктінің, жергілікті полиция қызметінің және жедел жәрдемнің қызметтік автокөлігі, сондай-ақ резерві тұрағының орналасатын жерін айқындайды;

4) жергілікті полиция қызметі бейбіт жиналыс басталуынан екі тәулік бұрын қоғамдық тәртіп сақтауды, жол және өрт қауіпсіздігін қамтамасыз етуге жұмылдырылған күш пен құралдарды орналастыру жоспарын бекітеді.

5) Қордай ауданында бейбіт жиналыстарды ұйымдастырушылар мен қатысушылар Қазақстан Республикасының 2020 жылғы 25 мамырдағы «Қазақстан Республикасында бейбіт жиналыстарды ұйымдастыру және өткізу тәртібі туралы» Заңындағы көзделген міндеттермен тыйымдарды қатаң сақтауға міндетті.

  1. Қордай ауданында бейбіт жиналыстарды ұйымдастыру және өткізу үшін арнайы орындардың шекті толу нормалары:

а  / в = с;

а – бейбіт жиналыстарды ұйымдастыру және өткізу үшін арнайы орындардың аумағы (шаршы метр);

в – бейбіт жиналыстарға қатысатын әрбір азаматқа қарастырылған шекті норма (1,5 шаршы метр);

с – бейбіт жиналыстарды ұйымдастыру және өткізу үшін арнайы орындардың шекті толу нормасы (бейбіт жиналысқа қатысатын адамдардың шекті саны).

  1. Қордай ауданында бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптарды жергілікті полиция әрбір бейбіт жиналысты өткізу кезінде бекітетін қоғамдық тәртіп сақтауды, жол және өрт қауіпсіздігін қамтамасыз етуге жұмылдырылған күш пен құралдарды орналастыру жоспарына сәйкес анықталады.

 

 

 

 

 

 

 

 

 

 

 

 

 

 

 

 

 

 

 

 

 

 

Қордай аудандық мәслихатының

2020 жылғы «23» маусымдағы

№68-2шешіміне

№2 қосымша

 

 

Бейбіт жиналыстарды, шеррулерді және демонстрацияларды өткізу үшін арнайы орындарды материалдық-техникалық

қамтамасыз ету

 

 

п/п

Арнайы орынның атауы материалдық-техникалық қамтамасыз етілуі Шекті толу нормалары
1.                1. Қордай ауданы, Қордай ауылы Центральный көшесі, Мәдениет үйі алдындағы алаң Жер учаскесінің көлемі

2121,70  ш м.;

жарықтандырылған

бейнебақылау камералары және бейне жазбалар орнатылған;

20 тұрақ орындары

( 2 кіру,  2 шығу)

500

адам

2.                2. Қордай ауданы, Қордай ауылындағы Домалақ ана көшесінен бастап Бәйдібек көшесіне дейінгі Төле би көшесі Маршруттың ұзындығы                     420 метр

– маршрут бойында көшелер жарықтандырылған

– бейнебақылау камералары және бейне жазбалар

орнатылған

700

адам

 

 

 

 

 

 

 

 

 

 

 

 

 

 

 

 

 

 

Қордай аудандық мәслихатының

2020 жылғ «23» маусымдағы

№68-2 шешіміне №3 қосымша

 

 

Пикеттеуді өткізу тәртібі

 

Пикеттеу – қоғамдық маңызы бар мәселелер және (немесе) адамдардың және (немесе) органдардың, ұйымдардың әрекеттері (әрекетсіздігі) бойынша пікірін жария білдіру мақсатында Қазақстан Республикасының бір азаматының белгілі бір жерде, белгілі бір уақытта болуы.

Пикеттеуді:

1) жаппай жерлеу орындарында;

2) теміржол, су, әуе және автомобиль көлігі объектілерінде және оларға іргелес жатқан аумақтарда;

3) мемлекеттің қорғаныс қабілетін, қауіпсіздігін және халықтың тыныс-тіршілігін қамтамасыз ететін ұйымдарға іргелес жатқан аумақтарда;

4) қауіпті өндірістік объектілерге және пайдалануы арнайы қауіпсіздік техникасы қағидаларын сақтауды талап ететін өзге де объектілерге іргелес жатқан аумақтарда;

5) магистральдық теміржол желілерінде, магистральдық құбыржолдарда, ұлттық электр желісінде, магистральдық байланыс желілерінде және оларға іргелес жатқан аумақтарда өткізуге тыйым салынады.

Пикеттеу барысында:

1) оны тек бір азамат тұрақты түрде, яғни қозғалыссыз жүргізуіне;

2) плакаттарды, транспаранттар мен өзге де көрнекі үгіт құралдарын пайдалануға;

3) бейбіт жиналыстар ұйымдастыру және өткізу үшін арнайы орындарды қоспағанда, бір жерде, бір уақытта бір объектіде бір күнде екі сағаттан астырмай жүргізілуіне жол беріледі.

Пикеттеу барысында:

1) бейбіт жиналыстар ұйымдастыру және өткізу үшін арнайы орындарды қоспағанда, бір жерде, бір уақытта бір объектіде екі және одан көп пикеттерді өткізуге;

2) дыбыс күшейткіш құралдарды пайдалануға;

3) пикеттеуге тыйым салынған іргелес нысан аумағынан 150 метр қашықтықта пикеттеу жүргізуге жол берілмейді.

 

 

 

 

 

 

 

 

 

 

 

 

 

 

 

 

 

 

 

 


© 2017 Аппарат акима Кордайского района
+7 (7262) 00 00 00 Обратная связь
Разработка и поддержка сайта