home
home home

Аудан әкімі Р.Дәулеттің 6 шілде – Елорда күнімен құттықтауы

 

Құрметті жерлестер!

Ардақты ағайын!

Баршаңызды келе жатқан бас қаламыз – Нұр-Сұлтан қаласының күнімен шын жүректен құттықтаймын.

1998 жылы ҚР Тұңғыш Президенті Н.Ә.Назарбаевтың кемеңгер шешімімен Еуразия төрінде, Сарыарқаның төсінде заманауи Елорда бой көтерді. Бас қаланы Алматыдан Ақмолаға ауыстыру – бұл қазақ елінің тәуелсіз ел атанып,  елдің даму жолы мен мемлекеттің қалыптасуын  ойлап, болашағын баянды ету мақсатында қабылданған тарихи шешім болды.

Елбасымыздың осындай сарабдал саясатымен еліміздің даму жолындағы ерен еңбегі бағаланып, Қазақстан Республикасының Президенті Қасым-Жомарт Тоқаевтың ұсынысымен Елбасының төл туындысына айналған Астана Нұр-Сұлтан деп қайта аталды. Бұл шешім қазақ халқының ұлт көшбасшысына деген шексіз алғысы деп білемін.

Бүгінде құла даладан өркендеп, дамуға бет түзеген, Арқа төсінде сәні мен салтанаты жарасқан, сәулеті талайларды тамсандырған Елордамыз – Тәуелсіздігіміздің тірегіне, экономикамыздың жүрегіне, әлем елдері бас қосатын достық мекеніне айналды.

Оған елордамызда Еуропадағы қауіпсіздік және ынтымақтастық ұйымының саммиті, Астана экономикалық форумы, Әлемдік және дәстүрлі діндер лидерлерінің съездерінің өтуі толық дәлел бола алады. Халықаралық айтулы оқиғалардың дүбірлі ордасына айналған Нұр-Сұлтан қаласындағы «ЭКСПО-2017» халықаралық мамандандырылған көрмесі өтті. Орталық Азияда, тіпті ТМД елдерінің ешқайсысында да мұндай халықаралық көрменің жалауы желбіреп көрмеген еді. Бұл шара да Елорданың әлемдік аренадағы абыройын одан әрі асқақтата түсті.

Осылайша, Нұр-Сұлтан қаласы еліміздің барлық өңірлері үшін дамудың ерекше үлгісін көрсетті. Елордаға қарап бой түзеген біздің ауданымыз да жыл сайын өркендеп, экономиканың барлық салаларында даму көрсеткіштері сақталуда. Ең бастысы – аймақта тұрақтылық, түсіністік пен азаматтық, достық  келісім бар. Бұл біздің басты жетістігіміз деп білемін.


© 2017 Аппарат акима Кордайского района
+7 (7262) 00 00 00 Обратная связь
Разработка и поддержка сайта